Şimali Koreya üç ballistik raketin sınağını keçirib
13-05-2022, 10:44
Şimali Koreya Pxenyanın Sunan hava limanı ərazisindən Şərq dənizinə doğru üç qısamənzilli ballistik raket atıb.
Bu barədə Cənubi Koreyanın Birləşmiş Qərargah rəisləri jurnalistlərə açıqlamasında bildiriblər.
“Hərbçilərimiz bu gün, mayın 12-də Şimali Koreya tərəfindən, Sunan hava limanı ərazisindən Yapon dənizinə doğru üç qısamənzilli ballistik raket buraxılışını qeydə alıblar”, - deyə məlumatda bildirilib.
Uçuş məsafəsi, raketin uçuş hündürlüyü və digər detallar hələlik açıqlanmayıb.
Qeyd edək ki, bu, Şimali Koreyanın 2022-ci ildə 16-cı silah sınağıdır.
Xatırladaq ki, mart ayında Şimali Koreya “Xvason-17” qitələrarası ballistik raketinin sınağını həyata keçirib. Həmin vaxt yerli dövlət kanallarında Yaponiya dənizinə doğru atılan raketlə bağlı epik video təqdim edilmişdi.
Mənbə: RİA Novosti
