“Almaniya öz tanklarının Rusiya ordusunun əlinə keçməsindən ehtiyat edir. Hökumətin Ukraynaya alman tanklarını verməməsinin səbəblərindən biri də bu olub”.

Azpost.info xəbər verir ki, bu barədə “Der Spiegel” jurnalı mənbələrə istinadən yazıb.

“Hökumət alman tanklarının yenidən Rusiyada olacağından qorxur ki, bu da Ukraynaya tank verməkdən imtinanın səbəblərindən biridir”, – mənbə bildirib.

Nəşr təsdiq edir ki, ABŞ, Britaniya və Fransa arasında Ukraynaya tank tədarükündən imtina ilə bağlı qeyri-rəsmi razılaşma var. Lakin “tank blokadası” NATO səviyyəsində heç vaxt müzakirə olunmayıb.

“Der Spiegel” onu da qeyd edir ki, Almaniya həm də tarixi səbəblərdən Ukraynaya tank verən ilk ölkə ola bilməz.