İngiltərədə on minlərlə məsləhətçi həkim və intern yüksək inflyasiya fonunda maaşların artırılması tələbi ilə üçgünlük tətilə başlayıb.

Tətil Britaniya Tibb Assosiasiyası (BTA) tərəfindən təşkil olunub. Məlumata görə, məsləhətçi həkimlər və internlər İngiltərədəki bütün xəstəxana işçilərinin 80%-ni təşkil edir, lakin onların üçdə biri BTA-nın üzvü deyil. Qeyd olunur ki, tətil günlərində xəstəxanalar məhdud sayda xidmətlər, ilk növbədə təcili yardım göstərəcək.

Qeyd edək ki, keçən ilin dekabrından həkimlərin tətilə başladığı vaxtdan İngiltərədə bir milyondan çox xəstə qəbulu ləğv edilib. Korporasiya, hazırda NHS-də xəstəxanada müalicə üçün gözləyən təxminən 7,7 milyon insanın olduğunu bildirib.
Bundan əvvəl Böyük Britaniyanın baş naziri Rişi Sunak tibbi xidmət üçün gözləmə müddətinin azaldılmasını hökumətin əsas məqsədlərindən biri adlandırıb.

Mənbə: TASS