Norveç rəsmiləri 20-dən çox azyaşlı uşağı təsir edən “Bacillus cereus” epidemiyasını həll ediblər. Foodinfo.az xəbər verir ki, 5-6 aylıq bir neçə körpə 2023-cü ilin noyabrından 2024-cü ilin yanvarına qədər bir növ sıyıq yedikdən sonra xəstələnib.Tveter Gard Foredling yanvar ayında uşaqlar üçün nəzərdə tutulmuş bir neçə “Den Sorte Havre” markalı məhsulu geri çağırıb.Norveç Qida Təhlükəsizliyi Təşkilatı (Mattilsynet) uşaqların Den Sorte Havre məhsullarını yedikdən sonra xəstələnməsi və qusması ilə bağlı 23 məlumat alıb.Təsirə məruz qalan ailələrin evlərində məhsullardan götürülmüş nümunələr üzərində laboratoriya müayinəsi aparılıb. Araşdırmalar Bacillus cereus tərəfindən yaranan toksinlər aşkar edilib. Bəzi nümunələrdə miqdar uşaqlarda yaşanan simptomlara səbəb olacaq qədər yüksək olub.Norveç Qida Təhlükəsizliyi Təşkilatı istehlakçılardan geri çağırılan məhsulları atmağı və ya dəyişdirilməsi üçün mağazaya qaytarmağı xahiş edib.Geri çağırılan beş məhsula başlanğıc sıyıq, alma və banan yulaf əzməsi və 1-3 yaşlı uşaqlar üçün sıyıq daxildir.