Miluokidə (Viskonsin ştatı) ABŞ Respublikaçılar Partiyasının Milli Konvensiyası öz işinə başlayıb.

Bazar ertəsi əsas hadisə partiyanın ölkə prezidentliyi və vitse-prezidentliyinə namizədinin elan edilməsi olub.

Gözlənildiyi kimi, partiyanın prezidentliyə namizədi keçmiş dövlət başçısı Donald Tramp olub.

Tramp isə özünün vitse-prezidenti qismində 39 yaşlı Ohayo senatoru Ceyms Devid Vensin adını açıqlayıb.

Dörd gün davam edəcək və geniş ictimaiyyətə açıq olmayan tədbirə 50 minə yaxın insanın qatılacağı gözlənilir. İştirakçılar arasında Konqres üzvləri, qubernatorlar, partiya liderləri və digər yüksəkvəzifəli məmurların olması gözlənilir.
TASS