MBirləşmiş Ərəb Əmirlikləri bu il ölkədə ikinci atom elektrik stansiyasının tikintisi üçün tenderin verilməsini nəzərdən keçirir.

Bu barədə "Reuters" BƏƏ-nin Beynəlxalq Atom Enerjisi Agentliyi (BAEA) yanında daimi nümayəndəsi Hamad Alkaabiyə istinadən xəbər verir.

"Hökumət bu varianta baxır. Tender prosesi ilə bağlı yekun qərar qəbul edilməyib, ancaq onu deyə bilərəm ki, hökumət bu variantı fəal şəkildə araşdırır", - o deyib.

Agentlik bildirib ki, tikinti Çin, Rusiya və ABŞ-dən tender təkliflərini cəlb edə bilər və əlavə edilib ki, "yeni atom elektrik stansiyası üçün istənilən müqavilə on milyardlarla dollar dəyərində olacaq".