Rusiyada kriptovalyuta istehsalı üçün elektrik enerjisi istehlakının artması müəyyən regionlarda enerji çatışmazlığına səbəb ola bilər.
Bunu Rusiya prezidenti Vladimir Putin iqtisadi məsələlərə həsr olunmuş iclasda deyib.
O bildirib ki, bu, artıq İrkutsk vilayətində, Buryatiya və Trans-Baykal diyarında müşahidə olunur.
Putin bu məsələni kəskin və müəssisələr, mənzil-kommunal xidmət sistemləri, konkret şəhər və qəsəbələr üçün ciddi fəsadlarla dolu təhdid adlandırıb.
Rusiya Energetika Nazirliyinin hesablamalarına görə, hər il kriptovalyutaya 16 milyard kVt/saat elektrik enerjisi, yəni Rusiyada ümumi enerji istehlakının demək olar ki, 1,5 faizi istifadə olunur. Ölkədə kriptomininqlərin enerji istehlakı artmaqda davam edir.
2023-cü ilin sonunda Energetika Nazirliyi hökumətin qərar layihəsini hazırlayıb. Layihəyə görə, kriptovalyutaçılar üçün elektrik enerjisinin ötürülməsi tarifləri 2-5 dəfə arta bilər.