Türkiyə Prezidenti Rəcəb Tayyib Ərdoğanın ABŞ-ın vitse-prezidenti Co Baydenlə görüşünün təfərrüatı məlum olub.

Axar.az xəbər verir ki, tərəflər görüş zamanı “Fərat qalxanı” əməliyyatı, miqrant böhranı, Fətullah Gülənin ekstradisiyası ilə bağlı məsələləri müzakirə edib.

Görüşdən sonra Baydenin ofisindən yayımlanan açıqlamada bunlar qeyd olunub:

“İki ölkə arasında strateji əlaqələrin olması vacibdir. Görüşdə İŞİD-ə qarşı mübarizənin gücləndirilməsi, Suriyadakı son vəziyyət və Kipr mövzusu müzakirə edildi. Biz həmçinin hərbi çevriliş cəhdi məsələsində Türkiyəyə dəstək verməyə hazırıq. Artıq bizə Gülənin həbs olunması üçün daha əsaslı dəlillər təqdim olunur. Bundan başqa, PKK-nın əsgər və mülki vətəndaşlara qaşı hücumlarını da qınayırıq”.

Qeyd edək ki, bu, ABŞ tərəfinin Fətullah Gülənin həbsi ilə bağlı bu vaxta qədər yaydığı ilk müsbət açıqlamadır.