Cənubi Koreyanın 26 böyük dövlət şirkəti hökumətin iqtisadiyyatı stimullaşdırmaq səylərini dəstəkləmək üçün 66 trilyon von (45 milyard ABŞ dolları) investisiya qoymaq niyyətindədir.

İndex.az “Yonhap”a istinadən xəbər verir ki, bu barədə ölkənin İqtisadiyyat və Maliyyə Nazirliyi məlumat yayıb.

Qurumun məlumatına görə, planlaşdırılan məbləğ əvvəlki illə müqayisədə 2,5 milyard von çoxdur.

Bu investisiyalar mənzil bazarının sabitləşdirilməsinə, həmçinin infrastrukturun və energetikanın inkişafına yönəldiləcək.