Nigeriyada maldarlarla fermerlər arasında toqquşmada 9 nəfər ölüb, xəsarət alanlar var
Nigeriyada maldarlarla fermerlər arasında toqquşmada 9 nəfər ölüb, xəsarət alanlar varNigeriyanın Ciqava ştatının Deka əyalətində maldarlarla fermerlər arasında baş verən qarşıdurmada 9 nəfər ölüb.

Bu barədə "Report" xarici mətbuata istinadən xəbər verir.

Ştat polisinin rəsmisi Lavan Adam Şiisu bildirib ki, maldarlarla fermerlər arasında insidentlər baş verib. Onun sözlərinə görə, silahlı qarşıdurmalarda çoxlu sayda insan yaralanıb. Yaralıların sayı açıqlanmır.

Bölgəyə təhlükəsizlik qüvvələrinin əməkdaşları göndərilib.

Fulani icmasının maldarları iddia edirlər ki, fermerlər mal-qaranı oğurlamağa çalışıblar və onlara hücum ediblər.