ABŞ-nin yeni seçilmiş Prezidenti Donald Trampın öz səlahiyyətlərinin icrasına başlamasına təxminən 10 gün qalır.

"Haber Global" xəbər verir ki, yanvarın 20-də andiçmə mərasimi baş tutacaq köhnə-yeni prezident Ağ Evə qayıtdıqdan sonra ilk olaraq öncədən vəd etdiyi bəzi addımları atacaq.

Bu addımlardan biri də dörd il əvvəl yanvarın 6-da baş vermiş Konqres binasına hücumla bağlı həbs edilənləri əfv etmək olacaq.

Belə ki, bu şəxslər məhz Trampın o zamankı seçkidə iddia etdiyi qələbəsini müdafiə məqsədilə və demokratların hakimiyyətinə etiraz olaraq yürüş təşkil etmiş, sonradan həbs olunmuşdular. İndi yeni ABŞ prezidenti öz müdafiəçilərini qəhrəman elan edib və onları həbsdən azad etməyi özünün ilk vəzifələrindən biri kimi görür.