Özəl şirkətlərin xidmətlərindən istifadə olunan layihə 5,8-7,1 milyard dollar dəyərində qiymətləndirilir ki, bu da əvvəlcədən planlaşdırılan 11 milyard dollardan azdır. Eyni zamanda, özəl sahiblərə öz ağır eniş aparatını inkişaf etdirmək təklif olunur.
NASA Marsdan torpaq çatdırılması üçün özəl şirkətləri cəlb etmək niyyətindədir. Bunu kosmik agentliyin rəhbəri Bill Nelson bildirib.
"Siz hamınız bilirsiniz ki, "SpaceX" və "Blue Origin" artıq maraq göstəriblər, lakin bunlar başqaları ola bilər. Komanda bütün sənaye imkanlarını qiymətləndirir və araşdırır", - o, Marsdan torpaq nümunələrinin qaytarılması ilə bağlı keçirdiyi brifinq zamanı bildirib.

Özəl şirkətlərin xidmətlərindən istifadə olunan layihə 5,8-7,1 milyard dollar dəyərində qiymətləndirilir ki, bu da əvvəlcədən planlaşdırılan 11 milyard dollardan azdır. Eyni zamanda, özəl sahiblərə öz ağır eniş aparatını inkişaf etdirmək təklif olunur.
Qeyd edək ki, əvvəlcə torpaq nümunələrinin 2040-cı illərə qədər qaytarılması planlaşdırılırdı. Hazırda isə bu müddətin 2035-ci ilə qədər azaldılması təklif olunur.
Nelson əlavə edib ki, NASA üçün ikinci seçim Avropa Kosmik Agentliyi ilə əvvəllər sınaqdan keçirilmiş "səma kranının" istifadəsidir.çin Bu layihə 6,6-7,7 milyard dollar dəyərində qiymətləndirilir.
NASA-nın yekun qərarı gələn il yeni rəhbərliyin zamanında veriləcək.
Qeyd edək ki, NASA Çinin, təxminən 2031-ci ilə qədər Marsdan torpaq nümunələri çatdırmağı planlaşdırdığı barədə xəbərlər fonunda brifinq keçirib.
Daha əvvəl bildirilmişdi ki, kosmodromların yüklənməsi səbəbindən ABŞ raketlərin buraxılmasında gecikmələrlə üzləşir.
İş adamı İlon Mask isə bildirib ki, ABŞ tənzimləyicisinin siyasəti onun "SpaceX" şirkətinə insanları Marsa göndərməyə mane olur.