Rusiya 2024-cü ilin 9 ayı ərzində 500 milyon dollar və ya 178 min tondan çox şokolad məhsulları ixrac edib.
Almaniya, Belçika və Polşa ötən il şokoladın dünya ixracında lider olaraq qalıblar, Rusiya isə bu siyahıda 15-ci yeri tutub. "RİA Novosti" bunu BMT-nin "Comtrade" platformasının məlumatlarını və milli statistik xidmətlərin məlumatlarını araşdıraraq müəyyən edib.
Bir il əvvəl olduğu kimi, 2024-cü ildə də kakao paxlası məhsullarının əsas ixracatçıları Avropa İttifaqı ölkələri olub. Almaniya, Belçika və Polşa siyahıda birinci yerdə qalıblar - ötən ilin ilk 9 ayının nəticələrinə əsasən (hələ indiki məlumat yoxdur) onlar müvafiq olaraq 5,01 milyard, 3,16 milyard və 2,35 milyard dollarlıq şokolad ixrac ediblər. Eyni zamanda Almaniya tədarükləri illik ifadədə 10%, Belçika 31%, Polşa isə 18% artırıb.
İlk beşliyə 9 ayın nəticələrinə görə yerlərini dəyişdirən İtaliya və Hollandiya da daxil olublar. İtaliyanın ixracı 16% artaraq 2,17 milyard dollara, Hollandiyanın ixracı isə 8% artaraq 2,06 milyard dollara çatıb.
Sonrakı yerlərdə 9 ay ərzində kakao məhsullarının satışları, təxminən üçdə bir artaraq 1,96 milyard dollara çatan Kanada; 20% artımla 1,58 milyarda çatan ABŞ ; 11% artımla 1,38 mlrd dollara çatan Fransa gəlir. İlk onluğu ixracı illik müqayisədə 12% artaraq 827,9 milyon dollara çatan İsveçrə və şokolad satışı 5% azalaraq 721,9 milyon dollar olan Böyük Britaniya tamamlayıb.
İlk 15 ölkə arasında Türkiyə - 610,1 milyon dollar (-1%), Meksika - 585,4 milyon (+16%), Avstriya - 579,9 milyon (+23%), İspaniya - 541,9 milyon (+4%) və İsveç - 414,2 milyon (+12%) yer alıblar.
Eyni zamanda, RF Federal Gömrük Xidmətinin "RİA Novosti"yə verdiyi məlumata görə, Rusiya 2024-cü ilin 9 ayı ərzində 500 milyon dollar və ya 178 min tondan çox şokolad məhsulları ixrac edib. Beləliklə, o, 15-ci yerdədir.