Gürcüstanın sabiq prezidenti, Ukraynanın Odessa vilayətinin qubernatoru Mixail Saakaşvili vətəninə bir dəfəlik qayıtmaq niyyətində deyil.

AzVision.az “112 Ukrayna”ya istinadən xəbər verir ki, Saakaşvili fəaliyyətini Ukrayanada davam etdirəcəyini bildirib.

“Mən bura qastrola gəlməmişəm. Döyüş meydanını tərk etməli deyiləm. Lakin birmənalı olaraq, seçkilərdən sonra Gürcüstana gedəcəyəm, öz ölkəmə kömək edəcəyəm. Öz hesabıma məzuniyyət götürəcəyəm və yaxın günlərdə hər hansı bir proseslərə cəlb olunacağam”, - deyə Saakaşvili vurğulayıb.

Sabiq prezident bəyan edib ki, seçkilərdən sonra maneəsiz şəkildə Gürcüstana gedib-gələ biləcək: “Bütün polislərin, silahlı qüvvələrin bizim tərəfimizdə, yəni dövlətçilik və qanunvericiliyin tərəfində olduğu vaxt heç kim mənə barmağını da toxundura bilməz”.

Saakaşvili çıxışında Ukraynada yaşayacağını, Gürcüstana köçməyəcəyini vurğulayıb.