Rusiya İraqın ərazi və siyasi bütövlüyünün tərəfdarıdır.

Axar.az xəbər verir ki, bunu jurnalistlərə açıqlamasında Rusiya prezidentinin mətbuat katibi Dmitri Peskov söyləyib. Onun sözlərinə görə, Rusiya üçün, ümumiyyətlə, İraqın ərazi bütövlüyü məsələsi müzakirəyə qapalıdır.

Qeyd edək ki, bundan öncə İraq hökuməti Türkiyəni İraqda öz təsir dairəsini genişləndirməkdə günahlandırıb. Qərb mətbuatı isə artıq uzun müddətdir ölkənin siyasi parçalanma yaşadığını və ölkənin şimalında Kürd Muxtariyyətinin müstəqil dövlətə çevrilmə ehtimalının artdığını bildirib.