Finlandiya məktəblərində dərs zamanı mobil telefonlardan istifadəyə ciddi məhdudiyyətlər tətbiq edilib.
İqtisadiyyat.az xəbər verir ki, bununla bağlı ölkə parlamenti yeni qanunu qəbul edib.

Sənədə əsasən, 2025-ci il avqustun 1-dən etibarən məktəblərdə dərs saatlarında smartfon və digər mobil cihazlardan istifadə yalnız məhdud hallar üçün mümkün olacaq.

Yeni qaydalara əsasən, şagirdlər mobil cihazlardan yalnız müəllimin icazəsi ilə - fövqəladə vəziyyətlərdə, sağlamlıqla bağlı ehtiyac yaranarsa və ya təhsil məqsədilə istifadə edə biləcəklər. Qanunun icrasına nəzarət məktəb rəhbərliyinə həvalə olunub və qaydaların pozulmasına qarşı cəza tədbirləri də nəzərdə tutulur.