İspaniyanın Milli Ədalət Məhkəməsi aprelin 28-də baş vermiş və demək olar ki, bütün ölkəni əhatə edən kütləvi elektrik kəsilməsi ilə bağlı istintaq prosesini məxfi şəkildə aparacaq.

Demokrat.az xəbər verir ki, bu barədə krallığın məhkəmə orqanlarının press-relizində bildirilib.

Məlumatda deyilir ki, bu prosesdə məxfiliyin elan edilməsinin xüsusi məqsədi istintaqın nəticəsini ciddi təhlükə altına sala biləcək vəziyyətin qarşısını almaqdır.

Qeyd olunur ki, elektrik şəbəkəsindəki nasazlığın ölkənin kritik infrastrukturuna qarşı kibertəxribatın nəticəsi olub-olmadığını müəyyən etmək üçün araşdırma aparılır.

Aprelin 28-də İspaniya, Portuqaliya və Fransanın Pireney yarımadası ilə həmsərhəd bölgələrində qəfil və geniş şəkildə elektrik kəsilməsi baş verib.