Böyük Britaniya hərbi islahatlara 68 milyard funt-sterlinq xərcləyəcək.

Qaynarinfo bu barədə "Financial Times"a istinadən xəbər verir.

Nəşrin məlumatına görə, britaniyalı ekspertlər müdafiə xərclərinin adi vətəndaşlara təsir edəcəyini vurğulayırlar. Keçmiş xarici işlər naziri Cek Stro vergilərin qaçılmaz olaraq artacağını bildirib.

2027-ci ilə qədər ölkədə müdafiə xərcləri ÜDM-in 2,33%-dən 2,5%-ə, yeni parlament seçkilərindən sonra isə 3%-ə yüksələcək.

İyunun 2-də Böyük Britaniyanın baş naziri Kir Starmer bildirib ki, ölkə nüvə başlıqları arsenalının modernləşdirilməsi proqramına 15 milyard funt-sterlinq (20 milyard dollar) xərcləyəcək. O, təkmilləşdirmənin "gələcək onilliklər üçün nüvə qarşısının alınmasını təmin etmək" üçün lazım olduğunu söylədi.

Baş nazir əlavə edib ki, proqram nüvə qarşısının alınmasının "tarixi" yenilənməsinin bir hissəsi olacaq və həmçinin 9,000 iş yeri yaradacaq. Starmer həmçinin elan edib ki, Böyük Britaniya silahlı qüvvələrinin Avropada artan gərginlik şəraitində döyüşə hazır olmasını təmin etmək üçün müdafiə xərclərini artırır.