Ukraynanın Radikal Partiyadan olan deputatları yenidən Kiyevin nüvə dövləti statusunun geri qaytarılmasını təklif ediblər.

Axar.az xəbər verir ki, yeni qanun layihəsi Radanın rəsmi saytında qeydiyyatdan keçib. Hələlik qanun layihəsinin tam mətni yayımlanmayıb.

Radikallar Ukraynanın 1968-ci ildən bu yana qoşulduğu nüvə silahlarının yayılmaması haqqında razılaşmadan çıxmasını istəyirlər.

Qeyd edək ki, SSRİ-nin süqutundan sonra Ukrayna nüvə silahlarına malik olub. 1993-cü ildə Kiyev Budapeşt razılaşmasına imza atıb. Bu razılaşmaya əsasən, Ukrayna rəsmən nüvə silahlarından imtina edib və bunun qarşılığında Böyük Britaniya, ABŞ və Rusiyadan öz təhlükəsizliyinə zəmanət alıb.