İŞİD-in Mosulu işğalından sonra İraqın şiə lideri Ayətullah Əli Sistaninin çağırışı ilə qurulan və Mosul əməliyyatına qoşulması ilə gündəmə gələn şiə milis təşkilatı "Haşdi Şabi"nin PKK ilə əməkdaşlıq etdiyi iddia olunur.

Cebhe.info türk mətbuatına istinadən xəbər verir ki, "Şiələrin İŞİD-i" kimi tanınan və bir neçə gün əvvəl rəsmi olaraq İraq parlamenti tərəfindən İraq ordusunun bir hissəsi kimi qəbul edilən "Haşdi Şabi" təşkilatının PKK-ya tank və təyyarə əleyhinə silahlar verdiyi iddiası var. PKK-nın Kandildə keçirilən və yüksək səviyyəli şəxslərinin iştirak etdiyi iclasında "Haşdi Şabi"dən alınacaq silahların müzakirə olunduğu da yayılan məlumatlar arasındadır.