Rusiya 2015-ci ilin avqustunda Pentaqona kiber hücum həyata keçirib.

Publika.az xəbər verir ki, bu barədə ABŞ-ın Birləşdirilmiş Qərargahlar Komitəsinin keçmiş sədri Martin Dempsin deyib.

Onun sözlərinə görə, rusiyalı hakerlər Pentaqonun əməkdaşlarından birinin elektron ünvanına giriş əldə edərək, ümumi sistemə sızmağı bacarıblar.

“Milli təhlükəsizlik agentliyinin direktoru Maykl Rodjers səhər tezdən mənə zəng edərək, hücum haqqında məlumat verdi. Hücum qeyri-adi sürətlə həyata keçirilmişdi. Biz bunun qarşısını almaq üçün bir saat vaxt sərf etdik. Həmin müddətdə hakerlər yüksəkrütbəli zabitlərin kompüterlərindən məlumatları çıxara bildilər. Yeganə variant şəbəkəni partlatmaq idi. Əlimizdən heç nə gəlmədi. Rusiya bunu çox məxfi və sürətlə etdi, demək olar ki, onlar istədiklərinə nail olmuşdular”, - deyə o bildirib.

Martin Dempsin Rusiyanın həmin vaxt ABŞ-a böyük zərbə vurduğunu bildirib.