ABŞ-ın ən çox borclu olduğu ölkələr - Siyahı
17-12-2016, 09:51
Çin artıq ABŞ-ın ən çox borclandığı ölkə deyil.
Axar.az “Faynənşıl Tayms” qəzetinə istinadən xəbər verir ki, Çinin bu istiqamətdə yerini Yaponiya tutub. Belə ki, Çin öz valyuta rezervlərinin böyük hissəsini yuanın kursunun dəstəklənməsinə yönəltdiyi üçün öz yerini Tokioya təhvil verməli olub.
ABŞ Maliyyə Nazirliyinin hesabatına əsas Pekin oktyabrda istiqrazlara qoyduğu investisiyanı 41,3 milyard dollar endirərək 1,12 trilyon dollara çatdırıb. Yaponiya da həmçinin investisiyalarını 4,5 milyard dollara qədər azaldaraq 1,13 trilyon dollar edib.
Qeyd edək ki, ABŞ-ın maliyyə borcu 19 trilyon dollardır. Ölkənin ən çox borclandığı ölkələrin ilk onluğuna Yaponiya, Çin, İrlandiya, Kayman adaları, Braziliya, İsveçrə, Lüksemburq, Böyük Britaniya, Tayvan və Honkonq daxildir.
