Rusiya Suriya müharibəsində iştirak edən hərbçilərin mükafatlandırılması üçün 20 min medal sifariş verib.

Axar.az xəbər verir ki, Rusiya bu medalların alınması üçün 45 milyon rubl xərcləyəcək. 20 min medalla yanaşı, Moskva Palmiradakı döyüşlərdə iştirak edən hərbçilər üçün ayrıca 100 medal da sifariş verəcək.

Qeyd edək ki, 2016-cı ilin martında Rusiya Suriyadakı hərbçilər üçün 10 min medal sifariş vermişdi. O zaman Moskva medalların sifarişinə 2,2 milyon rubl xərcləmişdi.