Amerika Birləşmiş Ştatlarının (ABŞ) kəşfiyyat strukturları məxfi informasiyaların bir hissəsini Prezident Donald Trampdan gizlədir. Bu barədə «Uoll-strit Djornal» xəbər verib.

Nəşrin məlumatına görə, kəşfiyyat xidmətləri ehtiyat edirlər ki, konfidensial informasiyalar kompramat kimi istifadə oluna və ya kütləvi informasiya vasitələrinə (KİV) sıza bilər.

«Uoll-strit Djornal» qeyd edir ki, bu vəziyyət Vaşinqtonun yeni administrasiyası ilə xüsusi xidmət orqanları arasındakı inamsızlığın nə qədər yüksək olduğunu nümayiş etdirir. Xüsusilə də bu, onunla bağlıdır ki, Prezidentin komandasının bəzi üzvləri Rusiya hakimiyyəti ilə təmaslarda olublar.
AzPolitika.info