Fransada dünən qəbul edilən qanunla polisin şübhəlilərə atəş aça biləcəyi halların siyahısı genişləndirilib.

Qanuna görə polislər təhdid yaradan və qaçmaqda olan şübhəlilərə iki xəbərdarlıqdan sonra atəş aça biləcək. Atəş açma səlahiyyəti bənzər şəkildə təhdid yaradan və polis tərəfindən nəzarətə alındıqdan sonra “dur” xəbərdarlığına uymayan şübhəlilərlə bağlı halları da əhatə edir.

Qanunla fransız polisinin səlahiyyətləri hərbi təyinatlı jandarma ilə eyni səviyyəyə gətirilib.

Qanun eyni zamanda rəsmi vəzifəlilərə təhqir cəzasını 1 ilə qədər həbs və 15 min avro pul cəzası olaraq artırıb.

azadliq.info