Rusiyanın BMT-dəki daimi nümayəndəsi Vitali Çurkin qəfildən vəfat edib.

Cebhe.info xarici mətbuata istinadən xəbər verir ki, o, 20 fevralda Nyu-Yorkda ölüb.

Rusiya XİN-dən verilən məlumata görə, Çurkin 65 yaşının tamam olmasına bir gün qalmış dünyasını dəyişib.

Onun ölüm səbəbləri hələlik məlum deyil.

Çurkin 1974-cü ildən diplomatik fəaliyyətdə olub. 2006-cı ildən isə BMT-də Rusiyanın daimi nümayəndəsi kimi fəaliyyət göstərib.