ABŞ Mərkəzi Kəşfiyyat İdarəsi tərəfindən əlaqələndirilən Suriyadakı silahlı qruplaşmalara hərbi yardım proqramını dayandırıb.

SalamNews-un verdiyi xəbərə görə, bu barədə “Reuters” agentliyi müxalif qruplar arasındakı mənbələrə istinadla məlumat yayıb.

"Proqram yanvar ayında ekstremistlər tərəfindən törədilən hücumdan sonra dondurulub. Lakin proqrama yenidən baxıldıqdan sonra bərpa ediləcək", - deyə müxalifət nümayəndələrinin məlumatında deyilir.

Adı açıqlanmayan amerikalı rəsmi isə Suriya müxalifətinə yardımın dayandırılmasının ABŞ administrasiyasının dəyişməsi və Prezident Donald Trampın hakimiyyətə gəlməsi ilə əlaqəli olmadığını bildirib. Mənbə bu addımın atılmasına ekstremistlər tərəfindən törədilmiş hücumun səbəb olduğunu təsdiqləyib.