Çin ABŞ-la yaşanacaq bir “ticarət savaşından” hər iki tərəfin zərər görəcəyi barədə xəbərdarlıq edib. Çinin Ticarət naziri Qao Hyuçınq paytaxt Pekində keçirdiyi mətbuat konfransında ABŞ prezidenti Donald Trampın Çindən idxal olunan məhsullara vergilərin artırılması ilə bağlı açıqlamasına cavab olaraq deyib: “Ticarət savaşı ifadələri bir variant olmamalıdır”. O, “müzakirə və dialoq yolu ilə fikir ayrılıqlarını həll etmək üçün birgə səy göstərmək lazım olduğunu” bildirib. Məlum olduğu kimi, Tramp seçki kampaniyası zamanı Çindən idxal edilən məhsullara 40%-ə qədər vergi artımı vəd etmişdi. Pekin rəhbərliyinə “pul vahidi yuenin manipulyasiyası ilə qlobal ticarətdə haqsız rəqabət təmin etmək” ittihamı irəli sürən Tramp, bu məsələdə Çinə sanksiya tətbiq etmək sözü vermişdi.

azadliq.info