Malaziya polisi KXDR lideri Kim Çen Inın qardaşı Kim Çen Namın ölümünda Şimali Koreyanın səfirliyinin əməkdaşını şübhəli bilir. Polis rəisin Xalid Əbu Bəkrin sözlərinə görə, şübhəli səfirlikdə ikinci katib vəzifəsində çalışır. FaktXəbər-in verdiyi məlumata görə, bu barədə Röyters xəbər yayıb.

Bununla belə, vurğulanır ki, şübhəli saxlanılmayıb. Yaxın günlərdə o, istintaqa çağrılacaq.

Digər şübhəli Şimali Koreya aviakompaniyası Air Koryo-nun əməkdaşıdır. O da ifadə vermək üçün dəvət olunub.

Xatırladaq ki, fevralın 14-də Kuala Lumpur aeroportunda Şimali Koreya liderinin ögey qardaşı öldürülüb. Ona qarşı sui-qəsdin müxtəlif versiyaları var. Lakin heç biri barədə rəsmi məlumat verilməyib.

Ötən həftə Kim Çen Namın ömrünün son anları barədə kadrlar yayımlanmışdı.