Rusiyanın aşağıbüdcəli "Pobeda" aviadaşıyıcısı cümə günü Türkiyənin Alanya şəhərinə uçuşlara başlayır.
"Report" xəbər verir ki, bu, loukosterin Türkiyəyə ilk uçuşu olacaq.
Reyslər Vnukovo hava limanından "Boeing 737-800 New Generation" təyyarələri vasitəsi ilə həyata keçiriləcək.
"Pobeda" bundan əvvəl İstanbula uçuşlar planlaşdırsa da, Rusiyanın aviasiya rəhbərliyi buna müvafiq razılıq verməyib.
"Pobeda" Rusiyanın ilk loukosteridir. Hazırda 10-u beynəlxalq olmaqla 50-dən çox istiqamət üzrə uçuşlar həyata keçirir. Onların sırasında Azərbaycan da var.
Aviaşirkətin parkında 12 ədəd "Boeing 737-800" təyyarəsi mövcuddur.