Viskonsin Universitetinin patent hüquqlarını pozduğu üçün cəzalandırılan "Apple" şirkətinin ödəyəcəyi cərimənin miqdarı artırılıb.

İKT.lent.az-ın Vistanews.ru-ya istinadən xəbərinə görə, A7, A8 və A8X çipləri hazırlanarkən yol verilən pozuntulara görə "Apple" 506 milyon dollar cərimə ödəyəcək.

Araşdırma zamanı məlum olub ki, patentləşdirilmiş texnologiya "iPhone 5s", "iPhone 6", "iPhone 6 Plus" və "iPad"in bəzi modellərinin əsasında çalışdığı prosessorlarda qanunsuz olaraq tətbiq olunub. Bundan sonra Viskonsin Universiteti "Apple"dən 862 milyon dollar kompensasiya tələb edib. Münsiflər məhkəməsi şirkəti 234 milyon dollar cərimə kəssə də, universitet bununla razılaşmayıb və apellyasiya şikayəti verib. Şikayətə baxan dairə məhkəməsi cəriməni 272 milyon dollar artırıb və 506 milyon dollara çatdırıb.