Böyük Britaniya parlamentinin Beynəlxalq əlaqələr komitəsi Vladimir Putin və onun yaxın ətrafının ofşor hesablarına qarşı sanksiya tətbiq etmək imkanlarını nəzərdən keçirəcək.

Bu barədə “BuzzFeed” informasiya yayıb.

Məlumata görə, komitə Rusiyanın ittiham olunduğu seriya qətllərin araşdırılmasına başlayıb. Sergey Skripalla qızının zəhərlənməsi və Nikolay Qluşkov hadisələri isə bu prosesin kulminasiya nöqtəsinə çevrilib.

“Kayman, Bermud və Virciniya kimi vergi cənnətlərindəki rus katipalları diqqət mərkəzində olacaq”, - məqalədə qeyd olunub.

Komitə sədri Tom Taqendhat Rusiyanın İngiltərəyə qarşı olduqca düşmən münasibət bəslədiyini bildirib. O, hökumətə rus oliqarxların, o cümlədən prezidentin xalqdan milyardlarla dollar gizlətdiyini açıb göstərmək üçün çağırış edib.