Sentyabr ayının 26-sı gecə saatlarında Rusiyada avtomobilində güllələnən azərbaycanlı iş adamı Zülfüqar Əsədovun qətlinin videosu yayılıb.

Rusiya mətbuatına istinadən verilən xəbərə görə, Volqoqrad şəhərində qeydə alınan qətl hadisəsi biznesmenin avtomobilində olan kameraya düşüb.

[media=https://www.youtube.com/watch?t=31&v=ppBe0G6s3ds]

Kadrlardan görünür ki, 1983-cü il təvəllüdlü Züffüqar Əsədov öz evinin yaxınlığında 32 saylı binanın qarşısında avtomobilində əyləşdiyi zaman üzü maskalı şəxs avtomobilə yaxınlaşır və və tapançadan atəş açır. Vodeodan həmçinin güllələrin ön şüşəyə dəydiyi, bu zaman avtomobildən qışqırıq səsləri gəldiyi eşidilir. Yaralını dərhal xəstəxanaya aparsalar da, onun həyatını xilas etmək mümkün olmayıb. İstintaq ilkin versiya olaraq qətli törədən şəxsin iş adamının avtomobilini gözlədiyini irəli sürüb. Qatilin hadisə yerindən ağ rəngli “Jiquli” avtomobilində qaçdığı görünür.

Hadisədən sonra biznesmenin avtomobilində cangüdəni ilə birgə olduğu, mühafizəçisinin yaralanmadığı müəyyən edilib. Bundan əvvəl də Zülfüqar Əsədova iki dəfə sui-qəsd edilib, lakin o sağ qalmışdı.

Azərbaycanlı biznesmen Volqoqrad topdansatış ticarət mərkəzində bir neçə ticarət məntəqəsinin sahibi olub.

Bundan əvvəl azərbaycanlı biznesmen Ukraynada qətlə yetirilmişdi. Xerson vilayətində Azərbaycan diasporunun rəhbərlərindən biri, 1956-cı il təvəllüdlü İlham Tağı oğlu Tağıyev öldürülmüşdü. Mərhumun meyiti ona məxsus “Mercedes” markalı avtomobildə aşkar olunmuşdu. Polisin ilkin ehtimalına görə, naməlum şəxslər Tağıyevə Berislav şossesində qaraja gedərkən hücum ediblər. Aparılan araşdırmalardan sonra iş adamının biznesinə görə qətlə yetirildiyi məlum olub.

ANS