Cənubi Koreyada hoteldə işləyən rusiyalı qadın otaqların təmizlənməsi ilə bağlı xoşagəlməz həqiqəti açıqlayıb.

Lenta.ru bildirir ki, bu barədə o, öz "Instagram" hesabında paylaşım edib.

Hotel işçisinin sözlərinə görə, personal həqiqətən də bütün otağı - qabları da, ayaqyolunu da, döşəmələri də bir əski parçası ilə təmizləyir. Proses mətbəxdə başlayır və vanna otağında başa çatır, bundan sonra istifadə edilmiş bez yuyulmağa göndərilir, yeni otaq üçün isə başqası götürülür.

"Həmçinin qədəhlərin parıldaması üçün biz onlara şüşə təmizləyicisi fısqırdırıq. Ona görə də lütfən, hotel qablarında nə isə içməzdən və ya yeməzdən əvvəl hər şeyi yaxşıca yuyun", - deyə o tövsiyə edib.

Eyni zamanda bloqer qeyd edib ki, yataq dəstləri həmişə təmiz olur və hər yeni qonaq üçün təzəsi verilir.