Azərbaycanda 1 trilyon kubmetrə yaxın aşkar olunmamış qaz ehtiyatları var.

Teref.az-ın trend.az-a istinadən verdiyi məlumata görə, bunu Qaz İxracatçıları Forumunun baş katibi Yuri Sentyurin Bakıda 26-cı Beynəlxalq Xəzər Neft və Qaz konfransında bildirib.

O bildirib ki, ölkədə 1,4 trilyon kubmetrdən çox təsdiq olunmuş qaz ehtiyatları var:

“Ehtimal olunur ki, aşkar olunmamış qaz ehtiyatlarının həcmi 1 trilyon kubmetrə bərabərdir. Ölkə Xəzər regionunda vacib qaz tədarükçüsünə çevrilir və ixrac potensialını fəal şəkildə genişləndirir".

Baş katib hesab edir ki, “Abşeron” yatağının işlənilməsinin birinci mərhələsi 2023-cü ildə başlayacaq, 2025-ci ilədək isə burada hasilat beş milyard kubmetrə çatacaq.