"Biz növbəti həftə və ay ərzində Azərbaycanda dövlət müəssisələrinin kommersiyalaşdırılmasına və özəlləşdirilməsinə keçmək istəyirik”.

Ovqat.com xəbər verir ki, bu şok açıqlamanı , Avropa Yenidənqurma və İnkişaf Bankının (AYİB) prezidenti Suma Çakrabarti bildirib.

Prezident İlham Əliyevlə bu gün videokonfrans vasitəsilə fikir mübadiləsi aparan S.Cakrabartinin sözlərinə görə, özəlləşdirmə prosesi dövlət investisiya holdinqi vasitəsilə və orta perspektivdə həyata keçiriləcək: “Biz dövlət-özəl tərəfdaşlığı düsturu üzərində hökumətlə qanunvericilik sahəsində artıq işləyirik. Biz dövlət müəssisələrinin kommersiyalaşdırılması və özəlləşdirilməsinə keçidə həqiqətən kömək etmək istərdik. Biz, həmçinin Azərbaycanın yeni İnkişaf Korporasiyasının yaradılması istiqamətində çalışırıq. Bir sözlə, qeyd etmək istəyirəm ki, Avropa Yenidənqurma və İnkişaf Bankı olaraq, biz, - bilmirəm Azərbaycan dilində də bu kəlam varmı?, - “İşləri məcrasına salmaq” istəyirik”.

AYİB prezidentinin sözlərinə görə, rəhbərlik etdiyi qurum bütün ölkələrdə yaşanmaqda olan böhrandan sonra bərpa prosesinin sürətlənməsi üçün əllərindən gələni edir və digəriylə müqayisədə Azərbaycanda vəziyyət qənaətbəxşdir: “Çünki Azərbaycanda birinci rübdə artım müşahidə olunub”.