Rusiyanın Xalq artisti Filipp Kirkorov hələ 2-3 həftə ərzində xəstəxanada müalicə olunacaq.

Bu barədə "Mash" "Telegram" kanalı xəbər verir.

Məlumata əsasən, müğənninin vəziyyəti yaxşılaşmaqda davam edir.

Kirkorov mayın 23-də təcili cərrahiyyə şöbəsinə yerləşdirilib. Konsertlərin birində arxadan atılan fişənglər onun geyiminə düşüb və paltarının qolu alışıb.

Kirkorovda insidentdən sonra yanıq nəticəsində burit (oynaq iltihabı) diaqnozu qoyulub. Həkimlər bildirirlər ki, şəkərli diabet fonunda sepsis inkişaf edə bilər, ən pis halda isə bu, əzaların amputasiyasına səbəb ola bilər.

Qeyd edək ki, Filipp Kirkorov uzun illərdir şəkərli diabetlə mübarizə aparır.