MTN öz jurnalistlərinin “paket maaşlarını” da mənimsəyib

4-05-2016, 10:01           

Maliyyə Nazirliyi “mənbələrə” ayrılan milyonların necə talan edildiyini araşdırır

Eldar Mahmudovun vəzifəsindən uzaqlaşdırılması ilə onun MTN-də yaratdığı şəbəkənin ayrı-ayrı vətəndaşlara qarşı tükürpədici cinayətləri üzə çıxdı. Eldar Mahmudovun qruplaşmasının 21 nəfəri istintaqa cəlb olunsa da, hələlik, özü azadlıqdadır. Ancaq “Azadlıq”a daxil olan bir məlumatda Eldar Mahmudovun da həbs ediləcəyi deyilir.

Eldar Mahmudov və onun dəstəsi ayrı-ayrı vətəndaşların əmlakını ələ keçirməklə bərabər, həm də dövlət büdcəsindən nazirliyin fəaliyyəti üçün ayrılan milyonları talan edib. Bu barədə fakt Maliyyə Nazirliyi ləğv olunmuş MTN-nin keçmiş rəhbərliyi dövrünü yoxlayarkən üzə çıxıb. MTN DTX-ya çevrilsə də, hazırda Eldar Mahmudovun nazir olduğu dönəmin maliyyə fəaliyyəti yoxlanılır. Yoxlamalar zamanı bəlli olub ki, “mənbələr” adıyla hər il 7-8 milyon manat vəsait büdcədən silininib. Faktiki olaraq isə həmin vəsaitlərdən qəpik-quruş “mənbələrə” çatıb. Bundan başqa MTN-nin nəzarətində olan QHT və KİV-lər, habelə ayrı-ayrı jurnalistlər üçün nəzərdə tutulan “paketlər” mənimsənilib. Bu prosesə rəhbərliyi isə həbsindən sonra müəmmalı şəkildə intihar edən MTN-nin Anti-terror mərkəzinin rəis müavini olmuş İlqar Əliyev həyata keçirib.

Yeri gəlmişkən, nazirlikdə İlqar Əliyevin ən yaxın adamlarından biri də kirvəsi Azər Məcidov olub və o, hələ də öz vəzifəsini qotuyub saxlaya bilir. Qeyd edək ki, Azər Məcidov Zaqatala rayonunun sabiq icra başçısı Rəfail Məcidovun oğludur.azadliq.info












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.