ABŞ rəsmisi bazar günü bildirib ki, Birləşmiş Ştatlar İraqa sanksiyaları pozmadan İrandan elektrik enerjisi almağa icazə verən güzəşti yeniləməkdən imtina edib.

ABŞ-ın Bağdaddakı səfirliyi verdiyi açıqlamada əvvəlki istisnanın şənbə günü başa çatdığını və ABŞ Dövlət Departamentinin onu yeniləmədiyini bildirib.

Bəyanatda deyilir ki, bu qərar prezident Donald Trampın “İrana qarşı İranın nüvə təhlükəsinə son qoymaq, ballistik raket proqramını məhdudlaşdırmaq və terrorçu qruplara dəstəyi dayandırmaq” üçün nəzərdə tutulmuş “maksimum təzyiq kampaniyası” çərçivəsində qəbul edilib.

“Biz İraq hökumətini İranın enerji resurslarından asılılığını tez bir zamanda aradan qaldırmağa çağırırıq və İraqın baş nazirinin enerji müstəqilliyinə nail olmaq öhdəliyini alqışlayırıq”, bəyanatda deyilir.

İraq neft və qaz ehtiyatlarına baxmayaraq, müharibə, korrupsiya və qeyri-effektiv idarəçilik səbəbindən onilliklər ərzində elektrik enerjisi çatışmazlığından əziyyət çəkir və elektrik enerjisinə olan tələbatını ödəmək üçün idxal olunan İran qazından, eləcə də birbaşa İrandan idxal olunan elektrik enerjisindən böyük dərəcədə asılı vəziyyətdədir.

Xüsusilə qızmar yay aylarında elektrik enerjisinin kəsilməsi adi haldır. Bir çox iraqlı dizel generatorlarından istifadə etmək və ya 50 dərəcə temperaturlara dözmək məcburiyyətində qalmalı olur.

Müddəti bitmiş istisna birbaşa elektrik enerjisi idxalına şamil edilirdi. İraqın öz elektrik stansiyaları üçün İrandan qaz idxalına davam edib-etməyəcəyi hələ aydın deyil.

ABŞ səfirliyinin bəyanatında deyilir ki, İrandan elektrik enerjisi idxalı İraqın elektrik enerjisi istehlakının cəmi 4 faizini təşkil edir.

Bununla belə, İraqın Energetika Nazirliyinin sözçüsü Əhməd Mussa qaz idxalına da qadağa qoyulsa, bunun “İraqın elektrik enerjisinin 30 faizindən çoxunu itirəcəyinə səbəb olacağını” və hökumətin alternativlər axtardığını bildirib.

Musa bildirib ki, İran qazının son iki ayda Bağdad və mərkəzi Fərat bölgəsindəki elektrik stansiyalarına tədarükü dayandırılıb və cənubdakı elektrik stansiyalarına tədarük qeyri-sabitdir.

Energetika Nazirliyinin adının açıqlanmaması şərti ilə danıışan yüksək səviyyəli rəsmisi ABŞ-ın qaz idxalı ilə bağlı qərarı barədə nazirliyə hələ rəsmi məlumat verilmədiyini bildirib.

Onun sözlərinə görə, İraq İran qazı ilə işləyən elektrik stansiyalarından təxminən 8000 meqavat enerji və İran tərəfindən birbaşa təmin edilən 500 meqavat elektrik enerjisini itirə bilər.

Rəsmi İraqın bank hesablarında İran qazı üçün ödəniş kimi nəzərdə tutulan təxminən 7,5 milyard avronun olduğunu və bu ilin əvvəlindən təxminən 6,5 milyard avronun ödənildiyini bildirib.

Bu vəsaitlər onlardan necə istifadə oluna biləcəyi ilə məhdudlaşır və yalnız İranın ərzaq, dərman və ya digər humanitar ləvazimatlar alması lazım olduğu zaman verilir.