teref.aznun poçtuna Ali Qasanov adında vətəndaşdan ölkəmizin bazarlarında olan yağlarla bağlı şok yazı daxil olub.
Yazının nöqtə və vergülünə əl dəymədən sizə təqdim edirik!
Ölkəmizdə sahibkarlara uğurlu biznes fəaliyyətinin aparılması üçün münbit şəraitin yaradılması bəzi işbazları hərəkətə keçirib. Belə ki, bəzi mağazaların piştaxtalarında insan sağlamlığı üçün zərərli olan və tərkibi ilə etiketi uyğun gəlməyən Rusiya istehsalı olan duru yağlar peyda olub. Adıçəkilən məhsullardan biri “Dubrava” yağıdır. Onun üzərində qarğıdalı yağı qeyd edilsə də, analiz nəticəsində bunun belə olmadığı üzə çıxıb. Rusiyanın “Liqa” firmasının istehsalı olan “Dubrava” yağının etiketi üzərində standart qarğıdalı yağına aid ГОСТ 8808-2000 yazılsa da, bunun yanlış olduğu və alıcıları aldatmağa yönəlik addım olduğu müəyyən edilib. Duru yağların tərkibindəki C16 palmitik yağı turşusunun miqdarı 9-14 arasında olması onun qarğıdalı, 9-a qədər olduqda isə günəbaxan yağı olduğundan xəbər verir. “Dubrava”da isə bu göstərici 7.66dır. Bu isə məhsulun qarğıdalı yox, günəbaxan yağı olmasını göstərir. İstehlakçıların aldadılmasına səbəb olan digər Rusiya istehsalı olan yağ isə “Darı Kubani”dir. Bu məhsulun da etiketində qarğıdalı yağı olduğu qeyd olunub. Əslində isə tərkibindəki C16 palmitik yağı turşusunun miqdarı 7.27-dir ki, bu da onun günəbaxan yağı olmasından xəbər verir. Mağaza piştaxtalarında ən çox rast gəlinən qarğıdalı yağı adı ilə satılan məhsullardan biri isə “Kubanskaya Semecka”dır. Analizlər nəticəsində, üzərində qarğıdalı yağı olduğu bildirilən məhsulun tərkibindəki C16 palmitik yağı turşusunun miqdarının 8.62 kimi olduğu aşkar edilib ki, bu da onun qarğıdalı yox, günəbaxan yağı olduğunu nümayiş etdirir və alıcıların aldadıldığından xəbər verir. Vətəndaşlara alış-veriş edərkən diqqətli olmağı və sağlamlıqlarını təhlükə altına atmamağı tövsiyyə edirik.
teref.az olraq qarşı tərəfin fikirlərini dinləməyə hazırıq!
teref.az