Səudiyyə Ərəbistanında bir sutkada koronavirusa 67 yoluxma faktı qeydə alınıb
19-03-2020, 09:50
Səudiyyə Ərəbistanında bir sutkada koronavirusa (COVID-19) 67 yoluxma faktı qeydə alınıb.
AZƏRTAC xəbər verir ki, bu barədə Səhiyyə Nazirliyi məlumat yayıb. Beləliklə, Krallıqda koronavirusa yoluxanların sayı 238 nəfərə çatıb.
Nazirliyin məlumatında qeyd olunub ki, COVID-19 virusuna yeni yoluxanların 45 nəfəri son iki gündə Krallığa Böyük Britaniya, Türkiyə, İspaniya, İsveçrə, Fransa, İndoneziya və İraqdan gələn insanlardır. Onların hamısı karantin altına alınıb.
Koronavirusa yeni yoluxma hallarının 19-u paytaxt Ər-Riyadda, 23-ü ölkənin şərq əyalətlərində, 13-ü Ciddədə, 11-i Məkkədə və cəmi biri Əsirdə aşkarlanıb.