İtaliyanın tətil bölgəsi hesab edilən Colobraro qəsəbəsi lənətli yer kimi tanınır.

''Ölkə.Az'' xəbər verir ki, İtaliyada Colobraro qəsəbəsinin yerli sakinləri 1940-cı ildən bəri qəsəbənin lənətli olduğuna inanırlar. Deyilənlərə görə qəsəbə ziyarətə gələn insanlara pis şans və xəstəlik gətirir. Maraqlısı ondadır ki, Colobraroda qəribə hadisələr baş verərək, yerli əhalinin qorxmasına səbəb olub. Qəsəbə şeytanların yaşadığı bölgə olaraq da anılır. Belə ki, keçmiş zamanlarda qəsəbədə yaşayan cadugərlər kömür, duz və sudan ibarət məlhəm hazırlayaraq xəstə insanların alnına çəkib, yol ayrıcına tökürmüşlər. Lənətli xəstəlik yoldan keçən ilk şəxsə keçdiyi üçün insanlar qəsəbəni ziyarət etməyə çəkiniblər. Deyilənlərə görə Colobraroda doğulan körpələrin çoxu iki ürək və üç ağciyərlə dünyaya göz açırlar.