Bağdad şəhərindən qərbdə yerləşən İraq müşahidə məntəqəsinə silahlıların hücumu nəticəsində ən az 11 nəfər ölüb, 8 nəfər yaralanıb.

Tren-in məlumatına görə, bu barədə ölkənin As Sumaria telekanalı bildirib.

Məlumata əsasən, hücum zamanı silahlılar qumbara və avtomatik silahdan istifadə ediblər.

Atışma nəticəsində beş hərbçi və altı mülki şəxs həlak olub.

Həkimlər səkkiz nəfərin yaralandığını bildirdi. Yaralananlar Bağdaddakı xəstəxanalarından birinə aparılıb.