Gürcüstanın Mərkəzi Seçki Komissiyasının saytında problemlər yaranıb.

Trend-in "TASS"a istinadən verdiyi məlumata görə, bu barədə MSK-dan bildiriblər.

Məlumata əsasən, yaranmış problemlərlə əlaqədar parlament seçkilərinin ikinci turunun nəticələri alternativ formada dərc edilir:

"Seçki nəticələrinin results.cec.gov.ge saytına yüklənməsi zamanı səbəbləri araşdırılan texniki/proqram xətası qeydə alınıb. Kənardan müdaxilə edilmiş ola bilər".

Qeyd edək ki, ötən gün Gürcüstanda parlament seçkilərinin ikinci turu keçirilib.