İran ordusunun Bəndər Abbas limanında hərbi təyinatlı sürətli katerinin aşması nəticəsində yüksək rütbəli zabit ölüb.

Sfera.az xəbər verir ki, bu barədə sosial şəbəkələrdə video yayılıb.

Qeyd edək ki, İranda son illərdə belə hadisələrə tez- tez rast gəlinir. Bundan öncə İran hərbi təlim zamanı "Konarək" adlı öz hərbi gəmisini raketlə vuraraq 19 hərbçisini öldürmüşdü.

İki ekipaj üzvünün ölümü ilə nəticələnən "Dəmavənd" hərbi gəmisinin Xəzərdə qəzaya uğraması və "Xərg" hərbi gəmisinin batması da bu qəbildəndir. ("Azad İran")