İtaliyada vətəndaş COVİD-19-a qarşı peyvənd olunmamaq üçün qeyri-adi üsula əl atıb.

“Qafqazinfo” xarici KİV-ə istinadən xəbər verir ki, 50 yaşlı İtaliya vətəndaşı vaksinasiya mərkəzinə silikon qolla gəlib.

Maraqlı hadisə Turin yaxınlığındakı Biella şəhərində baş verib.

Ciddi karantin tətbiq edilməsini və peyvənd olunmamışların ictimai-iaşə obyektlərinə buraxılmamasını nəzərə alan 50 yaşlı italyan, peyvənd məntəqəsinə gələrək bütün sənədləri doldurub və köynəyinin qolunu qaldırıb.

Bu zaman tibb bacısı onun qolunda damarın olmadığını görüb. İtaliyalı kişi çıxılmaz vəziyyətdə qaldığı üçün, əvvəlcə bunun zarafat olduğunu qeyd edib. Lakin bu, inandırıcı olmayıb və o, peyvənd mərkəzindən qaçıb. Buna baxmayaraq, polis onun tapıb və peyvənddən boyun qaçıran şəxsi böyük məbləğdə cərimə gözləyir.