Ukraynanın ən zəngin adamı olan Rinat Axmetov Mariupolun bərpasına kömək edəcəyinə söz verib. O, şəhəri “qəhrəmanlıq nümunəsi” adlandırıb.

“Mariupol ümumdünya faciəsi və qəhrəmanlıq nümunəsidir”, - deyə milyarder bildirib.

Axmetov fevralın 23-də Ukraynaya qayıtdığını və o vaxtdan bəri ölkədə qaldığını bəyan edib. Lakin o, dəqiq harada olduğunu açıqlamayıb.

Qeyd edək ki, hazırda Mariupolda Axmetova məxsus “Metinvest” qrupunun iki müəssisəsi var: “İliç” metal zavodu və “Azovstal” zavodu.

Xatırladaq ki, Axmetov “Forbes” reytinqində ukraynalı milyarderlər arasında birinci yerdədir. Onun sərvətini 4,2 milyard dollar səviyyyəsində qiymətləndirilir.