İndoneziyada deputat iclas zamanı telefonda pornoya baxarkən yaxalanıb.

Bizim.Media xəbər verir ki, bu haqda informasiyanı “coconuts.co” saytı yayıb.

Deputatın həmkarları onun təxribatın qurbanı olduğunu bildiriblər.

Demokratik partiyanın deputatı Harvey Malayholo parlamentin iclası zamanı baş verən insidentdən sonra diqqət mərkəzinə düşüb.

Qadın tribunadan ölkədə peyvəndin sürəti ilə bağlı hesabatı məruzə edərkən o, telefonunda pornoya baxıb.

Harveyi ondan yuxarıda əyləşən başqa bir siyasətçi çəkib. Sonra isə videonu internetdə yerləşdirib.

Video yayıldıqdan sonra Malayholo partiya rəhbərliyindən üzr istəyib və bunun bir daha təkrarlanmayacağına söz verib.