Qayınata gəlinin üzərinə kimyəvi maddə tökərək yandırıb.
Bakupost.az xəbər verir ki, bununla bağlı ARB TV-nin efirində yayımlanan “Elgizlə İzlə” verilişində şikayətçi olan qadın məlumat verib.
O bildirib ki, qızının qayınatası ailə münaqişəsi zəminində qızının üzərinə kimyəvi maddə töküb. Gəlinin yandığını görən qayınata onu evdən bayıra atıb. Hadisənin beş ay əvvəl baş verməsinə baxmayaraq, onlar polisə müraciət etməyiblər. İndi isə ağır vəziyyətdə olan gəlinə kömək edilməsi üçün yardım istəyirlər.

Məsələ ilə bağlı DİN-in Mətbuat Xidmətindən “Report"a bildirilib ki, nazirlik əməkdaşları görüntülərdən məlumatlıdır:
“Həmin görüntüləri izlədik. Hazırda araşdırma aparılır”