Rusiya Baş nazirinin müavini Marat Xusnullin Rusiya Prezidenti Vladimir Putinlə görüşdə Rusiyanın hərbi təcavüzü zamanı evləri dağıdılan Mariupol sakinlərinə mənzil sertifikatlarının verilməsini təklif edib.

“Report” xəbər verir ki, bu barədə RBC məlumat yayıb.

Bildirilib ki, sertifikatlar qondarma Donetsk Xalq Respublikasının istənilən qəsəbəsində mənzil almağa imkan verir. Bundan əlavə, zərər çəkmiş evlərin sahiblərinə hər kvadratmetr üçün 6 min rubl (160 manat) məbləğində təmir üçün kompensasiya ödəniləcək.